ପୁରଜନଗୀତା

August 20, 2024

ପୁରଜନଗୀତା ରାମଚରିତମାନସସେ

ଦୋହା
ଜୀବନମୁକ୍ତ ବ୍ରହ୍ମପର ଚରିତ ସୁନହିଂ ତଜି ଧ୍ୟାନ ।
ଜେ ହରି କଥାଁ ନ କରହିଂ ରତି ତିନ୍ହ କେ ହିୟ ପାଷାନ । ୪୨ ।

ଚୌପାଈ
ଏକ ବାର ରଘୁନାଥ ବୋଲାଏ । ଗୁର ଦ୍ୱିଜ ପୁରବାସୀ ସବ ଆଏ ।
ବୈଠେ ଗୁର ମୁନି ଅରୁ ଦ୍ୱିଜ ସଜ୍ଜନ । ବୋଲେ ବଚନ ଭଗତ ଭବ ଭଞ୍ଜନ । ୧ ।
ସୁନହୁ ସକଲ ପୁରଜନ ମମ ବାନୀ । କହଉଁ ନ କଛୁ ମମତା ଉର ଆନୀ ।
ନହିଂ ଅନୀତି ନହିଂ କଛୁ ପ୍ରଭୁତାଈ । ସୁନହୁ କରହୁ ଜୋ ତୁମ୍ହହି ସୋହାଈ । ୨ ।
ସୋଇ ସେବକ ପ୍ରିୟତମ ମମ ସୋଈ । ମମ ଅନୁସାସନ ମାନୈ ଜୋଈ ।
ଜୌଁ ଅନୀତି କଛୁ ଭାଷୌଁ ଭାଈ । ତୌ ମୋହି ବରଜହୁ ଭୟ ବିସରାଈ । ୩ ।
ବଡ଼େଂ ଭାଗ ମାନୁଷ ତନୁ ପାବା । ସୁର ଦୁର୍ଲଭ ସବ ଗ୍ରନ୍ଥନ୍ହି ଗାବା ।
ସାଧନ ଧାମ ମୋଚ୍ଛ କର ଦ୍ୱାରା । ପାଇ ନ ଜେହିଂ ପରଲୋକ ସଁବାରା । ୪ ।

ଦୋହା
ସୋ ପରତ୍ର ଦୁଖ ପାବଇ ସିର ଧୁନି ଧୁନି ପଛିତାଇ ।
କାଲହି କର୍ମହି ଈସ୍ୱରହି ମିଥ୍ୟା ଦୋଷ ଲଗାଇ । ୪୩ ।

ଚୌପାଈ
ଏହି ତନ କର ଫଲ ବିଷୟ ନ ଭାଈ । ସ୍ୱର୍ଗଉ ସ୍ୱଲ୍ପ ଅନ୍ତ ଦୁଖଦାଈ ।
ନର ତନୁ ପାଇ ବିଷୟଁ ମନ ଦେହୀଂ । ପଲଟି ସୁଧା ତେ ସଠ ବିଷ ଲେହୀଂ । ୧ ।
ତାହି କବହୁଁ ଭଲ କହଈ ନ କୋଈ । ଗୁଞ୍ଜା ଗ୍ରହୈ ପରସ ମନି ଖୋଈ ।
ଆକର ଚାରି ଲଚ୍ଛ ଚୌରାସୀ । ଜୋନି ଭ୍ରମତ ଯହ ଜିବ ଅବିନାସୀ । ୨ ।
ଫିରତ ସଦା ମାୟା କର ପ୍ରେରା । କାଲ କର୍ମ ସୁଭାବ ଗୁନ ଘେରା ।
କବହୁଁକ କରି କରୁନା ନର ଦେହୀ । ଦେତ ଈସ ବିନୁ ହେତୁ ସନେହୀ । ୩ ।
ନର ତନୁ ଭବ ବାରିଧି କହୁଁ ବେରୋ । ସନ୍ମୁଖ ମରୁତ ଅନୁଗ୍ରହ ମେରୋ ।
କରନଧାର ସଦଗୁର ଦୃଢ଼ ନାବା । ଦୁର୍ଲଭ ସାଜ ସୁଲଭ କରି ପାବା । ୪ ।

ଦୋହା
ଜୋ ନ ତରୈ ଭବ ସାଗର ନର ସମାଜ ଅସ ପାଇ ।
ସୋ କୃତ ନିନ୍ଦକ ମନ୍ଦମତି ଆତ୍ମାହନ ଗତି ଜାଇ । ୪୪ ।

ଚୌପାଈ
ଜୌଁ ପରଲୋକ ଇହାଁ ସୁଖ ଚହହୂ । ସୁନି ମମ ବଚନ ହୃଦୟଁ ଦୃଢ଼ ଗହହୂ ।
ସୁଲଭ ସୁଖଦ ମାରଗ ଯହ ଭାଈ । ଭଗତି ମୋରି ପୁରାନ ଶ୍ରୁତି ଗାଈ । ୧ ।
ଗ୍ୟାନ ଅଗମ ପ୍ରତ୍ୟୂହ ଅନେକା । ସାଧନ କଠିନ ନ ମନ କହୁଁ ଟେକା ।
କରତ କଷ୍ଟ ବହୁ ପାବଇ କୋଊ । ଭକ୍ତି ହୀନ ମୋହି ପ୍ରିୟ ନହିଂ ସୋଊ । ୨ ।
ଭକ୍ତି ସୁତନ୍ତ୍ର ସକଲ ସୁଖ ଖାନୀ । ବିନୁ ସତସଙ୍ଗ ନ ପାବହିଂ ପ୍ରାନୀ ।
ପୁନ୍ୟ ପୁଞ୍ଜ ବିନୁ ମିଲହିଂ ନ ସନ୍ତା । ସତସଙ୍ଗତି ସଂସୃତି କର ଅନ୍ତା । ୩ ।
ପୁନ୍ୟ ଏକ ଜଗ ମହୁଁ ନହିଂ ଦୂଜା । ମନ କ୍ରମ ବଚନ ବିପ୍ର ପଦ ପୂଜା ।
ସାନୁକୂଲ ତେହି ପର ମୁନି ଦେବା । ଜୋ ତଜି କପଟୁ କରଇ ଦ୍ୱିଜ ସେବା । ୪ ।

ଦୋହା
ଔରଉ ଏକ ଗୁପୁତ ମତ ସବହି କହଉଁ କର ଜୋରି ।
ସଙ୍କର ଭଜନ ବିନା ନର ଭଗତି ନ ପାବଇ ମୋରି । ୪୫ ।

ଚୌପାଈ
କହହୁ ଭଗତି ପଥ କବନ ପ୍ରୟାସା । ଜୋଗ ନ ମଖ ଜପ ତପ ଉପବାସା ।
ସରଲ ସୁଭାବ ନ ମନ କୁଟିଲାଈ । ଜଥା ଲାଭ ସନ୍ତୋଷ ସଦାଈ । ୧ ।
ମୋର ଦାସ କହାଇ ନର ଆସା । କରଇ ତୌ କହହୁ କହା ବିସ୍ୱାସା ।
ବହୁତ କହଉଁ କା କଥା ବଢ଼ାଈ । ଏହି ଆଚରନ ବସ୍ୟ ମୈଂ ଭାଈ । ୨ ।
ବୈର ନ ବିଗ୍ରହ ଆସ ନ ତ୍ରାସା । ସୁଖମୟ ତାହି ସଦା ସବ ଆସା ।
ଅନାରମ୍ଭ ଅନିକେତ ଅମାନୀ । ଅନଘ ଅରୋଷ ଦଚ୍ଛ ବିଗ୍ୟାନୀ । ୩ ।
ପ୍ରୀତି ସଦା ସଜ୍ଜନ ସଂସର୍ଗା । ତୃନ ସମ ବିଷୟ ସ୍ୱର୍ଗ ଅପବର୍ଗା ।
ଭଗତି ପଚ୍ଛ ହଠ ନହିଂ ସଠତାଈ । ଦୁଷ୍ଟ ତର୍କ ସବ ଦୂରି ବହାଈ । ୪ ।

ଦୋହା
ମମ ଗୁନ ଗ୍ରାମ ନାମ ରତ ଗତ ମମତା ମଦ ମୋହ ।
ତା କର ସୁଖ ସୋଇ ଜାନଇ ପରାନନ୍ଦ ସନ୍ଦୋହ । ୪୬ ।

ଚୌପାଈ
ସୁନତ ସୁଧାସମ ବଚନ ରାମ କେ । ଗହେ ସବନି ପଦ କୃପାଧାମ କେ ।
ଜନନି ଜନକ ଗୁର ବନ୍ଧୁ ହମାରେ । କୃପା ନିଧାନ ପ୍ରାନ ତେ ପ୍ୟାରେ । ୧ ।
ତନୁ ଧନୁ ଧାମ ରାମ ହିତକାରୀ । ସବ ବିଧି ତୁମ୍ହ ପ୍ରନତାରତି ହାରୀ ।
ଅସି ସିଖ ତୁମ୍ହ ବିନୁ ଦେଇ ନ କୋଊ । ମାତୁ ପିତା ସ୍ୱାରଥ ରତ ଓଊ । ୨ ।
ହେତୁ ରହିତ ଜଗ ଜୁଗ ଉପକାରୀ । ତୁମ୍ହ ତୁମ୍ହାର ସେବକ ଅସୁରାରୀ ।
ସ୍ୱାରଥ ମୀତ ସକଲ ଜଗ ମାହୀଂ । ସପନେହୁଁ ପ୍ରଭୁ ପରମାରଥ ନାହୀଂ । ୩ ।
ସବ କେ ବଚନ ପ୍ରେମ ରସ ସାନେ । ସୁନି ରଘୁନାଥ ହୃଦୟଁ ହରଷାନେ ।
ନିଜ ନିଜ ଗୃହ ଗଏ ଆୟସୁ ପାଈ । ବରନତ ପ୍ରଭୁ ବତକହୀ ସୁହାଈ । ୪ ।

ଦୋହା
ଉମା ଅବଧବାସୀ ନର ନାରି କୃତାରଥ ରୂପ ।
ବ୍ରହ୍ମ ସଚ୍ଚିଦାନନ୍ଦ ଘନ ରଘୁନାୟକ ଜହଁ ଭୂପ । ୪୭ ।